Марказий банк маълумотларига кўра, 2025 йилнинг август ойи мобайнида Ўзбекистон тижорат банкларининг кредит портфели 4,8 трлн сўмга кўпайиб, жами миқдори 581 трлн сўмдан ошган.

Кредит портфелининг ўсиши давлат банкларида (+2,5 трлн сўм) ва бошқа банкларда (+2,4 трлн сўм) деярли бир хил миқдорда рўй берган.

Банклар қирқимида кредит қўйилмаларнинг энг катта ўсишини Агробанк (+947 млрд.сўм), Асакабанк (+791 млрд.сўм) ва Hamkorank (+603 млрд.сўм) таъминлаган.

Давлат банкларидан фақатгина Ўзмиллийбанкда (-309 млрд сўм)да, бошқа банклардан эса Инфинбанк (138 млрд сўм), Капиталбанк (-114 млрд сўм), КДБ банк (-117 млрд сўм)ларда кредит қўйилмалари миқдори сезиларли камайган.

^{Манба: Марказий банк}

Кредит портфелидаги муаммоли кредитлар (NPL) улуши август ойидавомида 751,6 млрд сўмга камайган.Камайиш асосан давлат банклари, хусусан Ўзмиллийбанк (-674,8 млрд сўм), Агробанк (-152,0 млрд сўм), бошқа банклардан эса Ипотека банк (-133 млрд сўм) ҳисобига рўй берган. Шунингдек, Туронбанк ва Микрокредитбанкдан бошқа барча давлат банклари муаммоли кредитларни бироз камайтиришга эришганлар.